Pyari Maan


Hoon bahut door tujh se,par tu mere paas hai maan.                                                    Meri dilsoz zindagi ki tuhi aas hai maan.  Teri shafqat hi mujh naatwaan ki taqat hai.                                                                           Mere mareez dil pe tu shafa ka ehsaas hai maan.

 

Par teri yaad bhi mujh ko bahut sataati hai.                                                                         Meri tanhayi ki wehshat bahut rulati hai   Main har kahmoshi main teri pukaar sunta hoon.                                                           Meri berang neendoon se jo mujhe jagaati hain.

 

Hai mujhe yaad wo zaalim youm e firaaq jis din.                                                                    Tuney kapkapey hoontoon se kaha alwida mujh ko.                                                  Main teri zer e lab khamosh duaaoon ko nahin bhoola.                                                       Kiya lakht e jigar ko Rabb ke hawaley jis din.

 

Woh tere zard o safed chehre ki khoobsoorat silwatein.                                    Jaise Kashmir ke pahaadon pe barf ki chaadarien.                                                          Teri Aankhoon main iztaraab ke , aansawoon ki woh lehreain.                            Jaise jehlum wa sindh ki pur josh rawaani ki lehreain.

 

Woh tera sadak tak daud ke mere peechay aana.                                                      Woh tera khamosh duaaoon main tasbeeh ghumaana.                                           Woh tera baar baar lipat ke galey se lagaana.                                                                 Woh tera choom kar mere haathoon main apne haath thamaana.  

     

Hai bahut gam teri judaai ka par sun maan.                                                                     Mera waada hai jeet kar ik din zaroor aaonga.                                                                  Teri gaud main sar rakh ke tere aanchal ke taley,                                                                 Tu mujge bachpan ke woh geet sunaye gi aur main duharaoon ga.

 

Hai meri Rabb se dua se ki ya Ilahi har dam.                                                                        Meri maan ko tu massarat aur khushi  dey dey                                                                  Mujhey aur duaaeyn to maangni nahi aatin lekin ,                                                           Aey mere Rabb tu unhein mujh se bhi lambi umar dey dey…..

                    

Puraney khat.


Tha bada dilkash aur sangeen

tera zehar , tera jamaal,

jo tuney zard laboon sey mere lahoo main utaara tha.

Mere nasoor baney zakhmoon sey behta lahoo,

teri shokhi , tere husn ki gawaahi hai.

Tuney har shay say kar diya begaana mujhe

meri tanhaayi ki rafeeq bas ab qalm aur siyaahi hai.

Tu jo chal gaya door mujh se main khush hoon
Par kabhi kabhi hawa se udte

kitaab ke panney,darakhtoon ke girte pattey,                                                                     kuch bikhre puraaney khat,

Yaad dilatey hain

 ki Ishq mehz tabaahi hai….

Haider,

Haider is the Arabic word for lion, signifying valour , courage and strength.

Though I am not so brave and courageous, but still I love this name,as.it goes in synchronoy with my zodiac ,Leo.

Haider is something which I always wanted to become,but couldn’t.

Through Haider I wish to present broken figments of poetry , dreams, aspirations and the struggle of real with the surreal.

Haider symbolizes my dreams, unseen , unfelt and unfinished,and I seek perfection of my fragmented soul through tit bits of broken poetry.

I hope the world throws  a glance , at my endeavour.